विचारयज्ञमध्ये शोधा

Monday, November 22, 2010

आजचा विचार ( १३)

आज एक कराल? थोडी सुट्टी घ्यायची,निरर्थक कामांतून आणि व्यर्थ श्रमांतून! आजचा दिवस चित्रपट आणि त्यासंबंधित व्यक्ती, क्रिकेट आणि त्यासंबंधित व्यक्ती यांची चर्चा नाही. चित्र , बातम्या काहीही नाही.बघा! किती मानसिक विश्रांती मिळते आणि किती शांत वेळ मिळतो ते!

त्याऐवजी सुंदर निळ निळ आकाश, हिरवी हिरवी झाडं, रंगीबेरंगी फुलं, पक्षी, मस्त बागडणारी मुलं, सूर्यास्त आणि त्याआधी काही वेळ निसर्गाने किंवा ईश्वराने मुक्तपणे प्रकट केलेले सौंदर्य हे सगळं बघा. नाहीतर थोडा वेळ शांत, स्वस्थ बसा, डोळे मिटून. आपोआप होणारा श्वासोच्छवास बघा.अर्थातच सिद्धायोगचा पूर्वाभ्यास करून बघा.

ह सगळं पटलं की नाही नक्की सांगा!