विचारयज्ञमध्ये शोधा

Sunday, October 30, 2016

शुभ दीपावली

विचारयज्ञात गेल्या सहा वर्षांपासून सहभागी झालेल्या सर्व वाचक मित्रमैत्रिणींना दिवाळीच्या हार्दिक शुभेच्छा. दिवाळीचा आनंद विचारयज्ञाचा जन्मदिन असल्याने द्विगुणित होतो. 

सहा वर्षांपासून विविध कविता आणि वैचारिक लेखांच्या माध्यमातून आपला संवाद सुरु आहे, तो यापुढेही असाच सुरु राहावा ही ईश्वरास आणि आपणां सर्वांना प्रार्थना. जुन्या पोस्ट गूगल वर शोधून आपल्या वाचनात पुन्हा पुन्हा येतात हे बघून लिहिण्याचे सार्थक झाल्या चे समाधान मिळते. या समाधानाची शब्दांनी अभिव्यक्ती करणं, केवळ अशक्य आहे. हे स्नेहच लिहिण्यासाठी प्रेरित करते. असेच प्रेरित करत राहावे ही आपणांस पुन्हा प्रार्थना.

दिवाळीचा प्रकाश आपले जीवन आनंद आणि प्रेमाने प्रकाशमान करो.
यापुढेही भेटत राहू, इथेच, असेच! नवीन कविता, नवीन विषय, नवीन लेख यांसह.

Saturday, October 15, 2016

कविता: चंद्रासवे

कोजागिरी पौर्णिमेच्या सर्वांना हार्दिक शुभेच्छा! कोजागिरी पौर्णिमा आणि चंद्रावर कविता यापेक्षा सुंदर आणखी काय...


Image: The Moon and beautiful moonlight


चंद्रासवे चालताना 
तुझ्या स्वप्नांत रमताना
काय सांगू काय जादू होते
एक प्रेमगीत ओठी येते